December 18, 2007

ಬಾಗಿಲು ಹಾಕಿದರೆ … (ಉತ್ತರ ಕನ್ನಡದ ಗಾದೆ – 107)

ಬಾಗಿಲು ಹಾಕಿದರೆ ಒಂದೇ ದೂರು, ಬಾಗಿಲು ತೆಗೆದರೆ ನಾ ನಾ ದೂರು.

ಯಾರಾದರೂ ಬಂದು ಬಾಗಿಲು ಬಡಿದು ಒಳಗೆ ಬರಲಾ ಎಂದು ಕೇಳಿದಾಗ, ಬೇಡ ಎಂದು ಬಾಗಿಲು ಹಾಕಿಬಿಟ್ಟರೆ ನಿಮ್ಮ ಮೇಲೆ ಬರುವ ದೂರು ಒಂದೇ- ಬಾಗಿಲು ಹಾಕಿಬಿಟ್ಟ ಎಂದು. ಅದೇ ಬಾಗಿಲು ತೆಗೆದು ಒಳಗೆ ಬರಲು ಅನುಮತಿ ಕೊಟ್ಟರೆ, ಜೊತೆಯಲ್ಲಿರುತ್ತಾನೆ. ನಂತರ ನಿಮ್ಮ ಬಗ್ಗೆ ಹಲವಾರು ದೂರುಗಳನ್ನು ಹೇಳತೊಡಗುತ್ತಾನೆ.

ಯಾರಾದರೂ ನಿಮ್ಮ ಬಳಿ ಸಹಾಯ ಕೇಳಿದಾಗ, 'ಸಾಧ್ಯವಿಲ್ಲ' ಎಂದು ಹೇಳಿದರೆ ಒಂದೇ ದೂರನ್ನು ಕೇಳಿಸಿಕೊಳ್ಳುತ್ತೀರಿ. ಆದರೆ ಸಹಾಯ ಮಾಡುತ್ತಾ ಹೋದರೆ ಅವನ ನಿರೀಕ್ಷೆ ಹೆಚ್ಚಾಗುತ್ತಾ ಹೋಗುತ್ತದೆ ಮತ್ತು ಮಾಡಿದ ಸಹಾಯದಲ್ಲಿ ತಪ್ಪನ್ನು ಹುಡುಕಿ ಹಲವಾರು ದೂರುಗಳನ್ನು ಹೇಳತೊಡಗುತ್ತಾನೆ ಎಂಬ ಸಂದರ್ಭದಲ್ಲಿ ಇದರ ಬಳಕೆಯನ್ನು ಕಾಣಬಹುದು.

4 comments:

ವಿಕಾಸ್ ಹೆಗಡೆ said...

v.v.true

Seema said...

Hummm. I know. Even I feel so.

ಮನಸ್ವಿನಿ said...

107!!!! hats off :)

ಒಳ್ಳೆ ಸಂಗ್ರಹ

Seema said...

ಮನಸ್ವಿನಿ,
ನಿಮ್ಮ ಹೊಗಳಿಕೆಗೆ ನಾನು ಆಭಾರಿ.