October 6, 2007

ಸುಟ್ಟೇವು ಸುಡುವ ಮುದುಕಿಗೆ … (ಉತ್ತರ ಕನ್ನಡದ ಗಾದೆ – 33 ಮತ್ತು 34)

ಸುಟ್ಟೇವು ಸುಡುವ ಮುದುಕಿಗೆ ಸಿಂಬಳ ತೆಗೆಯಲು ಇನ್ನೊಬ್ಬಳು.

ಸುಟ್ಟೇವು ಅಂದರೆ ಎಣ್ಣೆಯಲ್ಲಿ ಕರಿದ ಸಿಹಿ ತಿಂಡಿ.
ಸುಟ್ಟೇವನ್ನು ಕರಿಯುತ್ತಿರುವ ಮುದುಕಿಗೆ ಸಿಂಬಳ ಬಂದರೆ ಅದನ್ನು ತೆಗೆಯಲು ಇನ್ನೊಬ್ಬಳು ಸಹಾಯಕಿ ಬೇಕು.

ಮಾಡುತ್ತಿರುವುದು ಸಣ್ಣ ಕೆಲಸವಾದರೂ ಅದಕ್ಕೆ ಬೇರೆಯವರ ಸಹಾಯವನ್ನು ಬಯಸಿದರೆ ಈ ಗಾದೆ ಅನ್ವಯಿಸುತ್ತದೆ.

ಇದಕ್ಕೆ ಬದಲಿಯಾಗಿ ಬಳಸುವಂತಹ ಗಾದೆ ಎಂದರೆ ಅಂಬಲಿ ಕುಡಿಯುವವನಿಗೆ ಮೀಸೆ ತೀಡಲು ಇನ್ನೊಬ್ಬ.
ಇದನ್ನು ನೆನಪಿಸಿದಂತಹ ವಿಕಾಸ್‌ಗೆ ಧನ್ಯವಾದಗಳು.

4 comments:

Harisha - ಹರೀಶ said...

ನನ್ನಮ್ಮನ favourite ಗಾದೆಗಳಲ್ಲೊಂದು.. ನಂಗೆ ಬೈಯಲೆ ಉಪಯೋಗ್ಸದು :D

Sheela Nayak said...

ಸೀಮಾ ಗಾದೆಗಳನ್ನು ಓದಿ ಖುಶಿಯಾಯಿತು! ನಿಮ್ಮಿಂದ ದಕ್ಷಿಣ ಕನ್ನಡದ ಗಾದೆಗಳನ್ನು ನಿರೀಕ್ಷಿಸುತ್ತೇನೆ.

ವಿ.ರಾ.ಹೆ. said...

ಸೀಮಾ, "ಅಂಬಲಿ ಕುಡಿಯೋನಿಗೆ ಮೀಸೆ ತಿಕ್ಕೋನೊಬ್ಬ" . ಈ ಗಾದೆ ಅದೇ ಅರ್ಥ ಕೊಡುವ ಗಾದೆ ಆಗ್ಲಕ್ಕಾ?

Seema S. Hegde said...

@ ಹರೀಶ್, :)
ದಿನಾಲೂ ನೀನು comment ಬರೆದಿದ್ದು ಓದಲ್ಲೆ ಖುಷಿ ಆಗ್ತು.

@ ಶೀಲಾ, ದಕ್ಷಿಣ ಕನ್ನಡದ ಗಾದೆಗಲ್ಲಿ ನನ್ನ ಜ್ಞಾನ ಕಮ್ಮಿ. Sorry :( ಶಿವರಾಮ ಕಾರಂತರ ಕಾದಂಬರಿಗಳಲ್ಲಿ ಬಂದಂತಹ ಕೆಲವು ಗಾದೆಗಳು ಮಾತ್ರ ಗೊತ್ತು. ಅಂದಹಾಗೆ ನೀವೇಕೆ ನಿಮ್ಮ Blog ನಲ್ಲಿ ದಕ್ಷಿಣ ಕನ್ನಡದ ಗಾದೆಗಳನ್ನು ಹಾಕಬಾರದು? ನನಗೂ ಅವುಗಳನ್ನು ಕಲಿತಂತಾಗುತ್ತದೆ.

@ ವಿಕಾಸ, ಸರಿ ಹೊಂದುವಂತೆ ಕಾಣ್ತು... ಯಂಗೆ ಈ ಗಾದೆ ಮರೆತು ಹೋಗಿತ್ತು.
ನೆನಪಿಸಿದ್ದು ಚೊಲೋ ಆತು. Thanks.