September 27, 2007

ಊದುವುದನ್ನು ಕೊಟ್ಟು … (ಉತ್ತರ ಕನ್ನಡದ ಗಾದೆ – 19 ಮತ್ತು 20)

ಊದುವುದನ್ನು ಕೊಟ್ಟು ಬಾರಿಸುವುದನ್ನು ತೆಗೆದುಕೊಂಡಿದ್ದನು.

ಊದುವ ವಾದ್ಯ ಕಷ್ಟಕರ ಎಂದೆನಿಸಿ ಅಥವಾ ಅದರಲ್ಲಿ ನಿರಾಸಕ್ತಿ ಹೊಂದಿ ಬಾರಿಸುವ ತಮಟೆಯನ್ನು ತೆಗೆದುಕೊಂಡಿದ್ದನು.
ಆದರೆ ಎರಡರಲ್ಲೂ ಅಷ್ಟೇ ಕಷ್ಟ ಇದೆ ಎಂದು ಅವನಿಗೆ ನಂತರ ತಿಳಿಯುತ್ತದೆ.

ಯಾವುದೋ ಒಂದು ಕೆಲಸದಲ್ಲಿ ಅಥವಾ ವಸ್ತುವಿನಲ್ಲಿ ಕಷ್ಟ ಇದೆ ಎಂದು ಅದನ್ನು ಬದಲಾಯಿಸಿಕೊಂಡರೆ ಇನ್ನೊಂದರಲ್ಲೂ ಅಷ್ಟೇ ಕಷ್ಟ ಇದೆಯೆಂದು ತಿಳಿದಾಗ ಈ ಮಾತನ್ನು ಹೇಳಬಹುದು.

ಇದಕ್ಕೆ ಸರಿಸಮಾನವಾಗಿ ಬಳಸುವ ಮಾತೆಂದರೆ ಕರಿಯುವ ಬಾಣಲೆಯಿಂದ ಉರಿಯುವ ಬೆಂಕಿಗೆ ಬಿದ್ದಂತೆ.
ಒಂದು ಕಷ್ಟದಿಂದ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿ ಇನ್ನೊಂದು ದೊಡ್ಡ ಕಷ್ಟದಲ್ಲಿ ಸಿಕ್ಕಿಕೊಂಡಾಗ ಬಳಸುವ ಮಾತು.

No comments: