ಆನು, ಮಾಣಿ … (ಉತ್ತರ ಕನ್ನಡದ ಗಾದೆ – 170)

ಆನು, ಮಾಣಿ, ಗೋವಿಂದ.

ಇದನ್ನು ಗಾದೆ ಎನ್ನುವುದಕ್ಕಿಂತ ನುಡಿಗಟ್ಟು ಎನ್ನಬಹುದು. ಇದರಲ್ಲಿ ನೋಡಲು ಮೂರು ಜನರು ಸೇರಿರುವಂತೆ ಕಂಡರೂ ನಿಜವಾಗಿ ಇರುವವನು ಒಬ್ಬನೇ. ಆನು (ನಾನು) ಅವನೇ ಮಾಣಿ ಮತ್ತು ಗೋವಿಂದ ಎನ್ನುವ ಹೆಸರು ಅವನದು. ತನಗೆ ತಾನು ಹೇಳಿಕೊಂಡು ಮೂರು ಜನರಿರುವ ಕಲ್ಪನೆಯನ್ನು ಕೊಡುತ್ತಿದ್ದಾನೆ. ಯಾವುದಾದರೂ ಕೆಲಸವನ್ನು ಒಬ್ಬನೇ ಮಾಡಬೇಕು ಇನ್ಯಾರೂ ಸಹಾಯಕ್ಕೂ ಸಿಗುವುದಿಲ್ಲ ಎನ್ನುವಂಥ ಸಂದರ್ಭದಲ್ಲಿ ಇದನ್ನು ನಮಗೆ ನಾವೇ ಹೇಳಿಕೊಳ್ಳಬಹುದು. ಮನೆಯಲ್ಲಿ ಒಬ್ಬರೇ ಇದಾಗ ಕೂಡ ಹೇಳಿಕೊಳ್ಳುವ ರೂಢಿ ಇದೆ.