ಇದ್ದವರಿಗೇ ಹೊಟ್ಟೆಗಿಲ್ಲ … (ಉತ್ತರ ಕನ್ನಡದ ಗಾದೆ – 78)

ಇದ್ದವರಿಗೇ ಹೊಟ್ಟೆಗಿಲ್ಲ ಇನ್ನೊಂದು ಕೊಡೋ ಪರಮೇಶ್ವರ.

ಈಗಾಗಲೇ ಇರುವ ಮಕ್ಕಳಿಗೆ ಹೊಟ್ಟೆಗೆ ಹಾಕುವುದೇ ಕಷ್ಟವಾಗಿರುವಾಗ ದೇವರಲ್ಲಿ ಇನ್ನೊಂದು ಮಗುವನ್ನು ಬೇಡಿದ್ದನಂತೆ.

ಮೈತುಂಬಾ ಕೆಲಸವಿದ್ದು, ಅವನ್ನು ಮಾಡಿ ಮುಗಿಸುವುದೇ ಕಷ್ಟವಾಗಿರುವಾಗ ಇನ್ನೊಂದು ಹೊಸ ಕೆಲಸವನ್ನು ಮೈಮೇಲೆ ಹಾಕಿಕೊಳ್ಳಲು ಉತ್ಸುಕರಾಗಿರುವವರನ್ನು ಕಂಡಾಗ ಈ ಗಾದೆಯನ್ನು ಪ್ರಯೋಗಿಸಬಹುದು.

ಓದೂಗರೊಬ್ಬರು ‘ಹೌದು, ಗಾದೆಗಳದ್ದೇ ಒಂದು blog ಯಾಕೆ ಮಾಡಬಾರದು ನೀವು?’ ಎಂಬ ಸಲಹೆಯನ್ನಿತ್ತಾಗ ನನಗೆ ಈ ಗಾದೆ ನೆನೆಪಾಗಿತ್ತು.
ಶುರು ಮಾಡಿಕೊಂಡಿರುವ ಒಂದು blogಅನ್ನೇ ತುದಿ ಮುಟ್ಟಿಸುತ್ತೇನೆ ಎಂಬ ಧೈರ್ಯ ಇಲ್ಲದ ನಾನು ಇನ್ನೊಂದು blog ಶುರು ಮಾಡಿಕೊಂಡರೆ ಈ ಗಾದೆ ಎಲ್ಲರಿಗಿಂತ ಮೊದುಲು ನನಗೇ ಅನ್ವಯವಾಗುತ್ತದೆ!