ತೆರೆ ಕಳೆದು … (ಉತ್ತರ ಕನ್ನಡದ ಗಾದೆ – 64)

ತೆರೆ ಕಳೆದು ಸಮುದ್ರ ಮುಳುಗಿದಂತೆ.

ಆತ ಸಮುದ್ರದಲ್ಲಿ ಮುಳುಗಲೆಂದು ಹೋಗಿದ್ದ.
ತೆರೆ ಬರುತ್ತಿರುವುದನ್ನು ನೋಡಿ, ಇದೊಂದು ತೆರೆ ಕಳೆದು ಮುಳುಗಿದರಾಯಿತು ಎಂದುಕೊಂಡ.
ಆದರೆ ಅಷ್ಟರಲ್ಲಿ ಇನ್ನೊಂದು ತೆರೆ ಬಂದಿತ್ತು.

ಯಾವುದಾದರೂ ದೊಡ್ಡ ಕೆಲಸವನ್ನುಮಾದುವ ತಯಾರಿಯಲ್ಲಿದ್ದಾಗ, ಸಣ್ಣ ಕೆಲಸಗಳು ಒಂದಾದ ನಂತರ ಒಂದರಂತೆ ಅಡ್ಡ ಬಂದು ದೊಡ್ಡ ಕೆಲಸಕ್ಕೆ ಅಡ್ಡಿಯನ್ನುಂಟು ಮಾಡಿದಾಗ, ಸಣ್ಣ ಕೆಲಸಗಳಲ್ಲೇ ತೊಡಗಿಕೊಂಡಿರುವಂತಾದಾಗ ಈ ಮಾತನ್ನು ಉಪಯೋಗಿಸುತ್ತಾರೆ.