ಗಂಡ ರಂಡೆ ಎಂದರೆ … (ಉತ್ತರ ಕನ್ನಡದ ಗಾದೆ – 22)

ಗಂಡ ರಂಡೆ ಎಂದರೆ ಘಟ್ಟದ ಕೆಳಗಿನ ಭಟ್ಟನೂ ಹೇಳುತ್ತಾನೆ.

ರಂಡೆ ಎಂದರೆ ಸ್ವಲ್ಪ ಕೀಳು ಭಾಷೆಯಲ್ಲಿ ವಿಧವೆ ಎಂದರ್ಥ.
ಸಾಮಾನ್ಯವಾಗಿ ಬಯ್ಯುವಾಗ ಈ ಶಬ್ದವನ್ನು ಬಳಸುತ್ತಾರೆ.
ಗಂಡನೇ ತನ್ನ ಹೆಂಡತಿಯನ್ನು ರಂಡೆ ಎಂದು ಕರೆದರೆ ಘಟ್ಟದ ಕೆಳಗಿನಿಂದ ಅತಿಥಿಯಾಗಿ ಬಂದ ಭಟ್ಟನೂ ಕೂಡ ಅವಳನ್ನು ಹಾಗೆಯೇ ಸಂಭೋಧಿಸುತ್ತಾನೆ.

ನಮಗೆ ತೀರಾ ಹತ್ತಿರದವರೇ ನಮ್ಮನ್ನು ಅವಮಾನಿಸಿದರೆ ದೂರದವರೂ ಕೂಡ ಅವಮಾನಿಸಿಯೇ ತೀರುತ್ತಾರೆ ಎಂಬುದು ಈ ಗಾದೆಯ ಅರ್ಥ.