ಮಗಳೇ ಮಗಳೇ … (ಉತ್ತರ ಕನ್ನಡದ ಗಾದೆ – 103 ಮತ್ತು 104)

ಮಗಳೇ ಮಗಳೇ ಎಂದರೆ ಮನೆಯಿಡೀ ತೆವಳಿದ್ದಳು.

ಮಗಳೇ ಮಗಳೇ ಎಂದು ತೀರಾ ಮುದ್ದು ಮಾಡಿದರೆ ಎದ್ದು ಓಡಾಡಲೂ ಆಲಸಿಯಾಗಿ ಮನೆಯಿಡೀ ತೆವೆಳಿಕೊಂಡೇ ಇದ್ದಳಂತೆ. ಹಾಗಾಗಿ ಕೆಲಸವನ್ನೆಲ್ಲ ಉಳಿದವರೇ ಮಾಡಬೇಕಾಯಿತು.

ಯಾರನ್ನಾದರೂ ಅಗತ್ಯಕ್ಕಿಂತ ಜಾಸ್ತಿ ಮುದ್ದು ಮಾಡಿದರೆ ಕೈಲಾಗದವರಂತೆ ನಟಿಸಲು ಪ್ರಾರಂಭಿಸುತ್ತಾರೆ, ಆಲಸಿತನವನ್ನು ಮೈಗೂಡಿಸಿಕೊಳ್ಳುತ್ತಾರೆ ಎಂದು ಅರ್ಥ.

ಇದೇ ಅರ್ಥದಲ್ಲಿ ಉಪಯೋಗಿಸಲ್ಪಡುವ ಇನ್ನೊಂದು ಗಾದೆ- ಮಾಡುವವರನ್ನು ಕಂಡರೆ ನೋಡು ನನ್ನ ಸೇವೆ. ಯಾರಾದರೂ ಸೇವೆ ಮಾಡಲು ತಯಾರಿದ್ದರೆ ನಾನು ಎಷ್ಟು ಬೇಕಾದರೂ ಸೇವೆ ಮಾಡಿಸಿಕೊಳ್ಳಲು ತಯಾರಿದ್ದೇನೆ ಎಂದು ಅರ್ಥ.