ಅಜ್ಜಿ ಸುಟ್ಟ ಹಾಗೂ … (ಉತ್ತರ ಕನ್ನಡದ ಗಾದೆ – 147 ಮತ್ತು 148)

ಅಜ್ಜಿ ಸುಟ್ಟ ಹಾಗೂ ಆಯಿತು, ಚಳಿ ಕಾಯಿಸಿದ ಹಾಗೂ ಆಯಿತು.

ಅಜ್ಜಿ ಸತ್ತು ಹೋಗಿದ್ದಾಳೆ. ಹೇಗಿದ್ದರೂ ಅವಳನ್ನು ಸುಡಲು ಬೆಂಕಿ ಹಾಕಿಯೇ ಹಾಕುತ್ತಾರೆ. ಅದೇ ಬೆಂಕಿಯಲ್ಲೇ ಚಳಿಯನ್ನು ಕಾಯಿಸಿಕೊಳ್ಳಬಹುದು. ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ ಇದು ಜಿಪುಣರನ್ನು ಕುರಿತು ಹೇಳುವ ಮಾತಲ್ಲ. ಆದರೆ, ಒಂದರ ಜೊತೆಯಲ್ಲೇ ಇನ್ನೊಂದು ಕೆಲಸದ ಸಾಧ್ಯತೆಯನ್ನು ಅರಿತು ಎರಡೂ ಕೆಲಸವನ್ನು ಒಟ್ಟಿಗೆ ಮಾಡಿ ಮುಗಿಸಿಕೊಳ್ಳುವವರನ್ನು ಕುರಿತು ಹೇಳುವ ಮಾತು. ಇದನ್ನೇ ಸ್ವಲ್ಪ ಬದಲಿಸಿ ಒಂದೇ ಕಲ್ಲಿಗೆ ಎರಡು ಹಕ್ಕಿಗಳನ್ನು ಹೊಡೆಯುವವನು ಎಂದು ಕೂಡಾ ಹೇಳುತ್ತಾರೆ.